ولد

قرار اللجوء للحقن المجهري مش دايما بيكون الحل الأمثل لتأخر الإنجاب 🧐
حالات كتير بتسألنا عن طريق رسائل الصفحة عن الحقن المجهري .. بيشرفونا في العيادة وبعد الفحص بنقرر عدم حاجتهم للحقن المجهري وإمكانية علاج سبب تأخر الإنجاب.
زي حالات داء تكيس المبايض واللي بتعتبر من أكثر أسباب تأخر الإنجاب شيوعاً، وعلاجه بيتحدد بعد فحص الطبيب للحالة.
وزي ما وضحنا في بوستات سابقة عن تكيس المبايض:
▪في حالات يمكن علاجها دوائيا.
▪حالات بتحتاج للتدخل بعملية منظار .
▪حالات بتحتاج لعملية حقن مجهري.
حالتنا انهاردة ربنا أكرمها بولد زي القمر بعد تأخر إنجاب ٣ سنوات نتيجة داء تكيس المبايض واللي احتاجنا فيه تدخل بعملية منظار وحصل حمل طبيعي بعدها بفضل الله ☝️
ربنا يبارك فيه ويحفظه لأهله ❤️